Metodistkyrkja i England seier ja til likekjønna ekteskap
TEOLOGI: Den pågåande årskonferansen til Metodistkyrkja i England har sagt ja til likekjønna ekteskap. For metodistkyrkja i Noreg kan det bli aktuelt å sjå til England for samarbeid, viss det internasjonale kyrkjesamfunnet UMC blir splitta.
SER TIL ENGLAND: Knut Refsdal seier at viss det kjem til at ein i Metodistkyrkja i Noreg må sjå etter nye konstellasjonar, vil det å sjå til England vera høgt på agendaen. – Det er veldig nære relasjonar mellom UMC og metodistkyrkja i England. Det er fri flyt av mellom anna prestar mellom kyrkjene, som også møter med representantar på kvarandres konferansar.
Erlend Berge
– Dette er heilt som venta. Det har ligge i korta lenge, seier leiande tilsynsprest i Metodistkyrkja i Noreg, Knut Refsdal, om at den engelske Metodistkyrkja sin årskonferanse har sagt ja til likekjønna ekteskap.
I vedtaket til det engelske kyrkjesamfunnet skriv dei at konferansen gjev samtykke til vigsling av ektepar av same kjønn i kyrkja sine lokale, og utført av prestar og andre autoriserte tenestemenn i kyrkja.
Refsdal seier dei fylgjer nøye med på avgjersler rundt samlivsetikk i andre metodistkyrkjer.
