Leitar etter ny generalsekretær i Misjonskirken Norge
LEIARSKIFTE: Øyvind Haraldseid får ikkje fornya åremålet som generalsekretær i Misjonskirken Norge. No er kyrkjesamfunnet på leit etter ny leiar.
UDRAMATISK: Øyvind Haraldseid, generalsekretær i Misjonskirken Norge kallar det udramatisk å ikkje bli beden om å stille til ny periode. – Mykje har skjedd i løpet av dei åra, og det har vore ei spanande reise, både personleg for meg, men også for kyrkjesamfunnet.
Giulia Troisi
Tidlegare i år vedtok Misjonskirken Norge (MKN) at dei vil leite etter ein ny generalsekretær til å ta over etter Øyvind Haraldseid i 2022.
– Det einaste du veit når du går inn i ei åremålsstilling er at det ein dag vil ta slutt, seier noverande general Haraldseid.
Generalsekretærrolla er ei åremålsstilling på seks år, før ein kan bli attvalt for fire år om gongen. Haraldseid blei generalsekretær for MKN i 2012, og fekk fornya for fire nye år i 2018. Til neste år går denne perioden ut, og hovudstyret har valt å ikkje oppmode Haraldseid om å halde fram i ytterlegare fire år.
