Egil Svartdahl: – Det vanskelegaste eg gjer
PÅSKE: I meir enn førti år har pinsepastor Egil Svartdahl fortalt påskeforteljinga gjennom påskevandringar. Likevel er det noko av det vanskelegaste han gjer.
PÅSKEFORTELJINGA: Egil Svartdahl håpar at forteljinga får feste inni dei som er til stades.
Bendik Bruun Edvardsen
– Grunnforteljinga er den same, naturleg nok, seier pastor i Filadelfiakirken Oslo og ler.
Ein må tilbake førti år for å finne fyrste gong han arrangerte påskevandring. Men sjølv om visse ting er uforandra opplever han å finne nye ting for kvar gong han dukkar ned i bibelforteljinga som ligg til grunn for høgtida me er inne i.
– Påskehistoria er litt som å sjå inn i ein diamant. Ein ser alltid nye fasettar og fargar. Likevel er det å formidle den noko av det vanskelegaste eg gjer. Eg kan på ingen måte gjera det større enn det er, eg kan berre forstyrre og forkludre, meiner den profilerte pastoren.
