Lei av halvt påkledde prestar
LITURGISKE KLEDE: Ikkje-ordinerte prestevikarer kan ikkje bere messehakel eller stola når dei forrettar gudsteneste. Dette vil soknerådet i Sunnylven ha ei endring på.
LITURGISKE KLEDE: Soknerådsleiar Stig Tryggestad er lei av «halvt påkledde» prestevikarar i Sunnylven kyrkje på Hellesylt.
Lars O. Flydal
Soknerådsleiar i Sunnylven, Stig Tryggestad, er lei av «halvt påkledde» prestar i kyrkja på Hellesylt. No har han på vegne av eit samstemt sokneråd bedt biskopen om dispensasjon, slik at ikkje-ordinerte prestevikarar òg får ikle seg messehakel og stola. Men ut frå gjeldande regelverk har biskop Ingeborg Midttømme avslege søknaden.
– Det verkar som saka om rett til å bere liturgiske klede er blitt eit maktsymbol, dette er formalia-rytteri som ikkje samstemmer med at kyrkja no i stadig større grad nyttar ikkje-ordinerte prestar i gudstenester og kyrkjelege handlingar, seier Tryggestad.
«Gløymt skjerf»
