Fryktar misjon kan bli nedprioritert i Den norske kyrkja
SPLEISELAG: Når Misjonsorganisasjonar ikkje lenger vil spleise på misjonsrådgjevarstillingane i DNK, må kyrkja ta meir av kostandane. – Bekymra for om dette er vegen å gå, seier biskop i Agder og Telemark.
DIALOG: Misjonsalliansen vil gjerne bidra til eit internasjonalt fokus hjå DNK og kyrkjelydane deira, men er glade for at kyrkja no tek utgiftene til å løne misjonsrådgjevarane sjølve. På bildet er det direktekontakt mellom prosjektdeltakarane i Kambodsja og Norge via nett.
Foto: Anders Myrene, Misjonsalliansen
– Eg trur dette kan føre til at misjonen tapar pengar, seier Stein Reinertsen, biskop i Agder og Telemark.
I fjor blei Samarbeid menighet og misjon (SMM), eit samarbeid mellom Den norske kyrkja og sju misjonsorganisasjonar, evaluert.
Signala frå høyringsrunden peikar i retning av at misjonsrådgjevarstillingane i bispedømma, som før var eit spleiselag mellom SMM-aktørane, no skal bli finansierte av bispedømma sjølve. Den formelle avgjersla kjem i juni.
