Ny rekord for Frelsesarmeens julegryter
Allereie på vesle nyttårsaftan er det klart at innsamlinga til Frelsesarmeens julegryter har sett ny rekord. Over 37 millionar kroner er hittil komme inn.
Norge — Det er rundt 2 millionar kroner over førre rekord frå 2014, opplyser Frelsesarmeen.
– Vi er djupt gripne over givargleda og omtanken for vanskelegstilte i ei tid der mange sjølv har det vanskeleg, seier kommunikasjonssjef Geir Smith-Solevåg i Frelsesarmeen.
Annonse
Det var 120. gong Frelsesarmeen sette ut dei tradisjonsrike svarte grytene sine. Vanlegvis står grytene på over 200 stader i landet frå Mandal til Kirkenes, men koronarestriksjonane gjorde at ein i år òg kunne bidra med å betale via SMS, Vipps, Facebook og andre digitale betalingsmåtar.
(©NPK)