– Ein hund frå Ukraina har betre vern enn krigsflyktningar frå Sri Lanka
KYRKJEASYL: Biskopane Kari Veiteberg og Olav Øygard ynskjer at familien som har sete åtte år i kyrkjeasyl på Finnsnes skal få saka si handsama på nytt. – Me håpar gjestfridomen mot ukrainarar også smittar over på andre som treng vern, seier Veiteberg.
YNSKJER MERKSEMD: Biskopane Olav Øygard og Kari Veiteberg tek til orde for å utvide gjestridomen nordmenn har vist ukrainarar til også å gjelde andre, i dette tilfellet familien Collin som sit i kyrkjeasyl på åttande året i Finnsens kirke i Senja kommune.
Tuva Skare
– For å seie det rett ut: Det er farleg å sitje i kyrkjeasyl i over sju år, det er skadeleg på sinn og sjel.
Det seier biskop i Nord-Hålogaland, Olav Øygard. Han og Oslo-biskop Kari Veiteberg ynskjer å rette søkjeljoset mot familien Collin som sit på åttande året i kyrkjeasyl i Finnsnes kyrkje i Senja kommune.
– Me håpar gjestfridomen mot ukrainarar også smittar over på andre som treng vern, som barn i Morialeiren, krigsflyktningar frå Sri Lanka, eller andre som ser litt annleis ut enn Olav og meg, seier Veiteberg.
