Eit stille sinne
Debutant Tharaniga L. Rajah vil at nordmenn skal kjenne på korleis det er å stå midt i ein krig.
– Det var veldig emosjonelt tungt å skrive denne boka, eg har gått i ei djupne som har vore veldig vanskeleg. Det er så mykje elende, fortel debutant Tharaniga L. Rajah.
Erlend Berge
– Dette er på mange måtar mi 22. juli-bok, seier Tharaniga Rajah.
Vi sit på Nedre Foss gård, ein herskapeleg stad rett ved Akerselva i Oslo. Utanfor striregnar det gjennom kald haustluft. Rajah har fått grøn te.
– Vi gjekk i rosetog etter 22. juli. Det er veldig fint og vi definerer oss veldig utifrå det at vi reagerer godt på terrorisme og ekstremisme. Men eg har tenkt: Korleis hadde vi reagert om vi hadde blitt bomba kvar veke? Hadde vi vore like rause, hadde vi hatt det same storsinnet?
