Selde alt - og følgde falsk profet

Pastor Harold Camping som profeterte at dommedag ville komme 21. mai, seier at han vil komme med ei forklaring offentleg måndag 23. mai.

Han opplyser at han på ei tid måndag vil forklare kvifor han utpeika 21. mai og kvifor profetien slo fei, skriv International Business Times.

LES OGSÅ: Krev at dommedagsprofet ber om orsaking

På spørsmål frå International Business Times om kvifor han har vore taus så lenge etter at dommedag ikkje kom, svara Camping at han trengde tid til å «tenkje og komme seg» etter at dommedag likevel ikkje kom. Camping leier radionettverket Family Radio. mange av tilhengjarane hans brukte pengar på å annonsere dommedag og avlyse viktige gjeremål sidan alt likevel skulle ta slutt.

LES ERLING RIMEHAUG PÅ VERDIDEBATT.NO: Kirken har desSverre overlatt til sjarlataner som Camping å forkynne Bibelens sanne budskap om dommen. DISKUTER

89-åringen som alt i 1994 bomma i sin første profeti om dommedag, var heilt taus laurdag og langt utpå sundag. Han uttalte seg kort til San Francisco Chronicle og International Business Times. Han sa mellom anna at «det hadde vore ei verkeleg tøff helg» og at han leita etter svar – og at han ikkje ville seie meir før måndag. Så stengde han døra heime.

Camping hadde måtte følgje med på at alle dei varsla jordskjelva ikkje kom, at Herren ikkje henta heime sine og ikkje let dei vantruande leve i pine fram til 21. oktober, slik Camping hadde profetert.

Camping har mykje å forklare ikkje minst dei tilhengjarane som selde det dei hadde for å finansiere ein stor kampanje som skulle varsle om den komande dommedagen. No står dei tomhende tilbake.

Adrenne og Joel Martinez som har eitt barn og ventar det neste, forlet jobbane sine i Orlando og brukte alle pengane sine på dommedagsvarselet, skriv Christian Post.

Kristne leiarar tok avstand frå Camping, som Ed Stetzer, president for sørstatsbaptistane. Han bad Camping offentleg be om orsaking.

Will Graham, sonesonen til Billy Graham, brukte derimot høvet til å forkynne at slutten på jorda nærmar seg. «Vi kjenner ikkje timen», seier han til Christian Post.

Han bad alle vere klare til å møte Gud.

I Huffington Post stiller Jennifer Ketcham spørsmål om «sanne truande« kan saksøkje Camping.

Den evangeliske pastoren John S. Torell skreiv på si side 18. mars at han hadde fått nyss om at Camping alt var i ferd med å førebu ein tale i tilfelle dommedag ikkje kom. Eit av poenga var at Gud hadde utsett dommedag for at endå fleire skulle få sjansen til å tru.