Nyheter

Kardinal: Ukristeleg milliardhjelp til Pakistan

Krev religionsfridom for kristne før hjelpa aukar.

Storbritannia har planar om å auke hjelpa til Pakistan til 445 millionar pund – godt over 4 milliardar kroner.

Dette får den romersk katolske kardinalen Keith O´Brien til å rykkje ut med ei åtvaring. Han kritiserer regjeringa for å pøse på med pengehjelp utan å krevje religionsfridom for kristne i Pakistan, skriv BBC.

I ein tale i Glasgow bad kardinalen utanriksminister William Hague om å krevje garantiar for menneskerettane. Utanriksdepartementet har svart at brot på menneskerettane vert tekne opp over alt der det er aktuelt.

Hjelpeorganisasjonen Aid to the Church, ein katolsk organisasjon, har rekna ut at tre fjerdedelar av religiøs forfølging i verda rammar kristne og at dette gjeld 100 millionar menneske, skriv BBC.

Situasjonen i Pakistan har vore dramatisk den siste tida. I starten av mars vart minoritretsminister Shahbaz Bhatti drepen. han var den einaste kristne statsråden i regjeringa og hadde gått ope ut mot blasfemilova i landet. Drapet på han kom kort tid etter drapet på Punjab-guvernør Salman Taseer som også hadde utfordra blasfemilova i landet.

LES OGSÅ: Møtte dødstruslar frå Taliban med tru på Jesus

– Eg bed William Hague sikre garantiar frå utanlandske regjeringar før dei får hjelp, sa kardinalen.

– Å auke hjelpa til Pakistans regjering når religionsfridommen ikkje er sikra og dei som forsvarar religionsfridommen vert skotne ned, er å stå for ein anti-kristen utanrikspolitikk, sa kardinalen.

– Det må utøvast press på regjeringa i Pakistan – og på regjeringane i dei arabiske landa også – for å sikre religionsfridommen. Hjelp føreset respekt for menneskerettane, sa kardinal O´Brien.

LES OGSÅ: Fordømmer drap på kristen pakistansk minister

LES OGSÅ: Anklaget for blasfemi - funnet død

Protest i USA. Pakistanske kristne i USA vil 24. mars demonstrere framfor FN-hovedkvarteret i New York for å fordømme drapet på minoritetsminister Bhatti, skriv Pakistan Christian Post.

LES OGSÅ: Guvernør forsvarte kristen kvinne - nå er han drept

Les mer om mer disse temaene:

Vårt Land anbefaler

1

1

1

Annonse
Annonse

Les dagens papirutgave

e-avisen

Mer fra: Nyheter