I dag opplyste israelske arkeologar om funnet sitt. Dei meiner å kunna datera husrestane til Jesu dagar. Funnet kastar nytt lys over korleis det kan ha sett ut i Nasaret på Jesu tid.

LES OGSÅ: Fant enda en eldgammel kirke

Fattige. Nasaret kan ifølgje arkeologane ha vore ein liten landsby med 50 hus der det budde fattige jødar.

Restar av ein vegg, restane av eit lager og ei sisterne er blant funna.

LES OGSÅ: Verdens eldste kirke funnet?

– Det er grunn til å tru at Jesus og venene hans frå barndommen kjende dette huset, seier arkeolog Yardenne Alexandre i Israel Antiquities Authority til avisa Haaretz.

Liten landsby. – Frå det vesle vi har av skrivne vitnemål om Nasaret i det første århundret, veit vi at dette var ein liten jødisk landsby i ein dal, seier Alexandre.

LES OGSÅ: Jubler over kirkefunn

– Til no er nokre få graver frå Jesu tid oppdaga, men aldri før har vi avdekka det som er att av eit bustadhus, legg ho til.

Tidstypisk. Ho seier at huset synest å vere typisk for buforholda i Nasaret på Jesu tid, skriv CNN .

Funnet er gjort like ved Maria bodskapskyrkje som kristne meiner står på staden der Maria fekk bod frå engelen Gabriel om at ho skulle bli Jesu mor. Dagens kyrkje er bygd på restane av ei eldre kyrkje og over ruinane av ei kyrkje frå bysantinsk tid.