Det tre år gamle ekteskapet mellom dei to kvinnene i Massachusetts i USA rauk, og dei to kvinnene gjekk frå kvarandre. Den eine av kvinnene, ein 44 år gammal lege, trudde at dei to skulle dele eigedom og foreldreskap til dei to borna.

Men den heimeverande kvinna i ekteskapet ville på si side ha foreldreretten til barna åleine, inkludert retten til å flytte begge barna ut av Massachusetts. Overfor dommaren argumenterte begge to med at dei er mora.

Mor har hatt ein forrang i familieretten når kamp om foreldreskap kjem for retten i USA. I 2004 innførte høgsteretten i delstaten Massachusetts ekteskap av likekjønna partnarar.

Nær 10.000 homofile og lesbiske par har gifta seg etter den avgjerda, melder The Washington Post. Ingen i delstaten fører lister over kor mange av desse para som har gått frå kvarandre.

Ei skilsmisse i lesbiske eller homofile ekteskap har sider som ikkje dei må slite med som bryt opp vanlege ekteskap. I tilfellet som domstolen no slit med, valde dei to kvinnene å føde kvar sitt barn etter inseminasjon får den same mannen. Så adopterte dei kvarandres barn. Biologisk er dei to barna halvsøsken. Legalt er dei fullverdige brør.

Den 44 år gamle legen seier at ho var bevisst på at ho ville føde eit barn sidan domstolane har lagt vekt på «mater est»-regelen. Ein domstol i Boston har kome opp med den løysinga at begge kvinnene kan bu halve tida i familieheimen saman med dei to borna.

The Washington Post refererer også ei rad tilfelle der skilsmisse mellom likekjønna kan vere økonomisk ruin.