Dag-Ivar Belck-Olsen som er med i strategiutvalet i KrF, stiller seg saman med dei som vil at partiet skal kvitte seg med vedkjenningskravet til tillitsvalde.

LES OGSÅ: Bondevik: Inger Lise Hansen kan ha gjort KrF en tjeneste

Det er ikkje naturleg at eit politisk parti har eit vedkjenningskrav. Den bør erstattast med eit krav om å vere lojal mot program og verdigrunnlag, seier Belck-Olsen til Vårt Land.

LES OGSÅ: KrF-årsmøte vil fjerne kristent vedkjenningskrav

Han er lokallagsleiar i Ski KrF i Akershus og var tidlegare informasjonssjef i KrF. Laurdag deltok Belck-Olsen på Akershus KrF sittfylkesårsmøte der det var full debatt om temaet.

Han sa der at å fjerne dette kravet ikkje er løysinga for KrF, men ein del av løysinga.

Belck-Olsen noterte seg med interesse at fylkesårsmøtet i Sør Trøndelag KrF laurdag mot tre røyster vedtok å gå inn for å fjerne vedkjenningskravet i KrF. Fylkeslaget vil erstatte dette truskravet med ei forplikting på grunnsyn og program. Dette er eit innspel til strategiutvalet som vert leia av nestleiar Dagrun Eriksen.

LES OGSÅ:

KrF-Hansen i nettmøte: Nei til kunstig enighet

Tungesvik i tenkjeboksen. Også KrF-veteran og tidlegare stortingsrepresentant Hans Olav Tungesvik er i tenkjeboksen om vedkjenningsparagrafen i KrF.

Det synest som om KrF stiller strengare krav til sine tillitsvalde enn Den norske kyrkja gjer overfor dei som skal ha verv i sokneråd, bispedømma og Kyrkjerådet. Der er det nok å vere lojale mot ordningane i kyrkja. Det er ikkje noko krav om å vere personleg kristen. For KrF bør dette vere tankevekkjande, seier Tungesvik til DagenMagazinet.

Han konkluderer med at han ikkje har konkludert.