Tidlegare KrF-leiar Valgerd Svarstad tek oppgjer med KrF-veteranane Karl Johan Hallaråker og Gunnar Prestegård. I eit innlegg i torsdagens papirutgåve av Vårt Land, med tittelen «Slå ring om Høybråten», skriv dei to mellom anna:

«Be for Høybråten». «Nå ser vi det aller viktigste å slutte opp om partiets leder Dagfinn Høybråten. Hverken Inger Lise Hansen eller mediene må få utpeke neste leder i vårt parti. Høybråten fortjener støtte, forbønn og medarbeidere som ikke representerer den ukultur som Hansen nå har innledet», skreiv dei to.

LES OGSÅ: Oslo-topp ber «Bordbønn-Austnes» om å bli i KrF

Opprørt. Svarstad Haugland har vore taus nesten ei heil veke med KrF-strid. Men dette innlegget blei for mykje. Ho meiner dei to, som ved sida av KrF-verv har vore generalsekretærar i kvar sin kristelege organisasjon, åndeleggjer KrF-striden. Svarstad Haugland seier rett ut at det er ubibelsk berre å be for dei som dei er samde med.

LES OGSÅ: Oftestad tror KrF går mot oppløsning

– Fulle rett. – Dei er sjølvsagt i sin fulle rett til ikkje å vere nådige i kritikken av Inger Lise Hansen. Det eg reagerer sterkt på er den åndeleggjeringa dei framfører i sin kritikk. Eg blir opprørt av mange grunnar, seier Svarstad Haugland og held fram:

– Støtta ikkje meg. – Kvifor gjekk dei ikkje ut med støtte til meg då media «fillerista» meg og mine eigne tok meg «så det suste»? Var eg utru mot programmet til KrF? Nei, det var eg ikkje, men eg hadde heller ikkje venta støtte med oppmoding til forbønn frå Hallaråker og Prestegård. Fordi dette handlar om politikk! Og berre politikk, seier ho.

LES OGSÅ: Hallaråker svarar Svarstad Haugland: Du sporar av

LES OGSÅ ERLING RIMEHAUGS KOMMENTAR: KrF-koalisjonen splittes?

Svarstad Haugland noterer seg at Høybråten står for ei politisk line dei to støttar.

Åndeleggjering. – Det er heilt i orden. Hansen står for ei line dei ikkje støttar. Det er og heilt i orden. Det gjorde nok eg også i deira augo. At dei plasserte meg slik er og heilt i orden. Men eg blir opprørt av denne fromme åndeleggjeringa av problemet. Slå gjerne ring om Høybråten. Be også gjerne for han, men ta Inger Lise Hansen med og i forbøna. Som kristne bør vi be for våre medmenneske. Som politikarar må vi bli målt med kva vi står for politisk. Det er frustrerande å sjå denne samanblandinga som Prestegård og Hallaråker gjer i deira kamp for KrF sin politiske profil, seier Svarstad Haugland.

LES OGSÅ: KrF-historiker: – Hansen har satt karrieren på spill

Ingen kommentar. Ho vil ikkje kommentere intervjuet som Aftenposten hadde med Inger Lise Hansen og som utløyste den intense striden. Ho vil heller ikkje kommentere utspelet frå Kristin Aase som bad alle liberale i KrF om å kaste seg ut i debatten til støtte for Inger Lise Hansen. Heller ikkje vil ho meine noko om synspunkta til Linda Austnes.

LES OGSÅ: Kristin Aase støtter til KrF-Hansen

LES OGSÅ: «Bordbønn-Austnes» gir seg med KrF-politikk

– Open debatt. – Eg er svært glad for at Dagfinn Høybråten har sagt at det skal vere ein open debatt. Inger Lise Hansen har teke ein open debatt. No må avklaringane skje internt i partiet, seier Svarstad Haugland.

Men ho meiner dilemmaet til KrF er at enkelte i partiet åndeleggjer politisk usemje. Ho presiserer at kritikken hennar ikkje gjeld Høybråten.

– Hallaråker og Prestegård blandar saman. Det gjer meg opprørt. Dei skulle vore reale og sagt at dette handlar om ein strid om politisk retning. Det gjer dei ikkje. Og det er ukristeleg å berre be for dei ein er enig med. Det er stikk i strid med Jesu ord, seier Svarstad Haugland.

LES OGSÅ: Ordførere ber nestleder Hansen trekke seg

– Demonstrativt. Ho meiner striden står mellom å prøve å endre samfunnet, eller å flagge standpunkt ein aldri får gjort noko med.

– Eg oppfattar Høybråten som ein som vil gjere noko og ikkje berre profilere demonstrative standpunkt, seier Svarstad Haugland.

LES OGSÅ: Dagfinn Høybråtens «KrFs kontrakt med velgerne» på VERDIDEBATT.NO

LES MER OM KRF-STRIDEN I FREDAGENS PAPIRUTGAVE AV VÅRT LAND