Målinga er utført av Respons for VG og Bergens Tidende. Høgre er størst med 25,4 prosent, men fell med 6,6 prosentpoeng frå førre VG-måling i august. Partiet er framleis 5,4 prosentpoeng større enn i valet i 2019.
Arbeidarpartiet blir målt til 18,6 prosent, opp 1,1 prosentpoeng frå førre VG-måling, men ned 1,2 frå valet.
Ingen av blokkene har fleirtal. Småpartia kan avgjere.
– Dette blir ein thriller. Det er dødt løp i Bergen. Alle som ønskjer meg som byrådsleiar, gratis SFO og løft for eldreomsorga, må gå og stemme på Arbeidarpartiet, seier byrådsleiar Rune Bakervik (Ap) til VG.
VG skriv at Industri- og næringspartiet eller Bergenslisten kan avgjere, medan Bergens Tidende trekkjer fram Senterpartiets eine mandat.
Heile målinga (samanlikna med førre VG-måling i august): Raudt 3,7 (-1,2), SV 12 (+3,4), Ap 18,6 (-1,2), Sp 1,7 (-3,6), MDG 6,7 (-3,2), KrF 4,4 (+1,3), Venstre 6,1 (+2,3), Høgre 25,4 (+5,4), Frp 11,9 (+7,2), Andre 2,3 (+0,6), FNB 0,6 (-16,1), Bergenslisten 3,2 (+0,7) og INP 3,4 (+0,9).
Målinga er utført mellom 4. og 7. september. 800 personar er spurde. Feilmarginen er oppgitt å vere mellom 2 og 3,5 prosentpoeng.