Svensk opposisjonsleiar vil satse 400 milliardar på kjernekraft

Det held til å byggje ti nye kjernekraftreaktorar, meiner Moderaterna, som er det største opposisjonspartiet i Sverige og svarer til norske Høgre.

Partileiar Ulf Kristersson seier at Sverige i praksis har abdisert frå å ha ei eiga energiforsyning. Partiet hans ønskjer å finansiere dei nye reaktorane med 20 prosent eigenkapital og 80 prosent lån.

Samtidig vil dei endre lovverket så det kan bli tillate å byggje reaktorar fleire stadar enn i dag, og dessutan at det skal vere mogleg å ha fleire enn ti reaktorar i drift samtidig.