Arendal kapell blir brukt av folk frå mange ulike livssyn til gravferder kvart år. Men Human-Etisk Forbund har lenge uttalt seg kritisk til kyrkjekunsten i kapellet, og saka har skapt strid lokalt over lengre tid.
Skulle ta stilling
Torsdag var saka oppe i Arendal bystyre. Tilrettelegging av eit livssynsnøytralt seremonirom i Arendal vart fremja som sak på bakgrunn av tildeling av investeringsmidlar på 500.000 kroner frå Kulturdepartementet.
LES OGSÅ: Ti millioner til nøytrale seremonirom
Medlemma skulle ta stilling til:
– Om kapellet skulle avvigslast.
– Om ein midlertidig skal dekke til kyrkjekunsten med forheng under ikkje-kyrkjelege seremoniar.
– Om ein skal drøfte saka vidare i eit breitt representert utval.
– Om kapellet skal bli verande som det er i dag.
Set ned utval
Torsdag ettermiddag kom svaret. Bystyret vil ikkje ta stilling til avvigsling eller tildekking av religiøse symbol, melder NRK.
Etter ein lang debatt, vart det fleirtal for å sette ned eit utval som skal vurdere ulike moglegheiter for eit livssynsnøytralt seremonirom for gravferder i Arendal.
LES KOMMENTAR: Human-Etisk Forbund gravlegger prinsippene
Fleire engasjerte
Saka har vore ute på høyring, og kommunen har fått inn fleire høyringssvar både frå Den norske kyrkje og frie kyrkjelydar i Arendal. Fleire viste forståing for at det var behov for eit livssynsnøytralt rom, men brorparten var imot tildekking av kunsten.
Rådmannen i Arendal gjekk til slutt for forslaget frå Austre Moland sokneråd: At kapellet avvigslast og at dei kristne symbola fjernast, slik at bygget framstår som nøytralt.