Skal kartleggje barnefattigdom

Solberg-regjeringa la i vår fram ein strategi – saman med KrF og Venstre – for å få færre fattige barn i Norge, Barn som lever i fattigdom – Regjeringens strategi 2015–2017.

Finne omfanget

I statsbudsjettet for neste år varslar barneminister Solveig Horne (Frp) at ho «legg opp til at det blir utarbeidd ein rapport om omfang og utviklingstrekk i barnefattigdom i Noreg annakvart år frå og med 2017».

Frivillige organisasjonar på feltet, særleg barne- og ungdomsorganisasjonane, skal bli trekte med i rapportarbeidet saman med KS - Kommunenes Organisasjon, opplyser Barne-, likestillings- og inkluderingsdepartementet (BLD).

LES ALT OM STATSBUDSJETTET HER

Styrkje familien

Om kvifor dette arbeidet er viktig, seier Horne dette i budsjettdokumentet:

– Regjeringa har som mål å styrkje familien si stilling i det norske samfunnet. Familien skaper ei trygg ramme omkring oppveksten til barna. Regjeringa vil arbeide for at alle barn og unge skal ha likeverdige tilbod, og leggje til rette for at alle barn og unge har gode moglegheiter til å utvikle seg, utan omsyn til foreldra sin bakgrunn, livssituasjon og kvar i landet dei bur.