Melania Trump, USAs førstedame, gjer skilnad på statsleiarar. Under besøket i Vatikanet onsdag etterkom ho den strame katolske protokollen i miniputtstaten:
Svart slør på hovudet, svarte klede – med lange armar og avdempa smykkebruk.
Katolikkar i kvitt
Avisa La Stampa skriv at berre katolske dronningar og ektefellar til statsleiarar som også er katolikkar har høve til å gå i kvitt når dei møter overhovudet i Den katolske kyrkja, i Vatikanet
Valet av slør i Vatikanet står i kontrast til valet Trump gjorde under besøket i Riyad, hovudstaden i Saudi-Arabia.
Kongedømmet, som blir styrt av familien Saud med brutal hand, har lover som krev at alle kvinner må bere slør.
LES MER: Trumps sverdslag for autokrati
Førstedamer utan slør
Men Melania Trump er ikkje åleine om å oversjå det saudiske tekstilkravet. Ei rekkje amerikanske førstedamer har droppa sløret under besøk i Saudi-Arabia, Michelle Obama, Hillary Clinton og Laura Bush. Heller ikkje Storbritannias statsminister Theresa May eller Tysklands kanslar Angela Merkel har funne det turvande å gå med slør.
Under Trump-besøket i Vatikanet gjekk også Donald Trumps dotter Ivanka Trump med slør. Det gjorde ho ikkje i Saudi-Arabia – der president Trumps første utanlandstur starta.