Det var avisa Hallingdølen som først omtalte saka.
53-åringen vart meldt sakna på søndag etter ein fottur mellom Miljosnoten og Vesterheim. Søndag kveld vart ho funnen omkoma i bratt terreng.
Ifølgje Røde Kors skal Markegård ha sklidd på hard snø i rundt 200 meter.
– Ho omkom momentant i botn av terrenget, seier Røde Kors-leiar Jan Arne Øen til lokalavisa.
Prega lokalsamfunn
Måndag vart det flagga på halv stong i Hol og andre stadar i kommunen.
– Solveig Håtveit Markegård var ein sentral person i Hol. Ikkje berre sat ho i kommunestyret, men også i formannskapet, seier ordførar Tony A. Kjøl (H) til Hallingdølen.
Ordføraren skildrar politikarkollegaen som tøff.
– Ho var ein av dei mest engasjerte me hadde. Ho var tøff, uavhengig om ho ofte stod aleine i saker. Ho var ein betydeleg person i kommunestyret.
Stoppar valkampen
Ordføraren har vore i kontakt med alle partia i kommunene, og saman har dei kome fram til at dei vil avblåse valkampen lokalt. Det betyr, ifølgje Hallingdølen, at partia avlyser alle planlagde arrangement.