Katolikkar gjev 75.000 kroner til spiralnektar
Legen Katarzyna Jachimowicz har samla inn nok pengar til å saksøkje Sauherad kommune.
Biskop Bernt Eidsvig har avgjort at Oslo katolske bispedømme skal støtte rettskampen til den polske legen Katarzyna Jachimowicz med 75.000 kroner. Her vitjar Eidsvig den katolske grunnskulen St. Sunniva i Oslo.
Roald, Berit
Katarzyna Jachimowicz blei sagt opp som fastlege i Telemarks-kommunen Sauherad i fjor fordi ho ikkje vil setje inn prevensjonsmiddelet spiral på kvinner. Den polske legen, som er katolikk, hadde reservert seg mot å setje inn spiral då dette kan føre til abort på eit tidlig stadium i fosterutviklinga.
Jachimowiczs advokat, Håkon Bleken, fortel at klienten går til sak mot kommunen for å få kjent oppseiinga ugyldig.
– Stevninga blir sendt før sommarferien, for no er det samla inn tilstrekkeleg med pengar til første rettsrunde.
