Dag Øivind Østereng sa opp prestejobben og meldte seg ut av Den norske kyrkja i protest mot at likekjønna får vigselsliturgi for å kunne gifte seg i kyrkja.
Under samtalen med NRK-journalist Ole Torp i TV-programmet Torp fortalde Østereng at han konverterer. Han blir katolikk.
– Eg har lenge vore på veg dit, seier han til Dagen.
LES MEIR Får ny prestejobb
Sa opp
Kyrkjemøtet i Trondheim hadde knapt talt opp stemmene etter vigselsvedtaket – som vil gje likekjønna ein eigen vigselsliturgi i Den norske kyrkja – før Østereng meldte at han tok avskil med Den norske kyrkja:
«Det er med stor sorg og dype kvaler, og samtidig med den ro som overbevisning gir, at jeg må meddele at jeg i løpet av de nærmeste ukene vil levere inn min oppsigelse og etter oppsigelsestiden tre ut av tjenesten som prest i Den norske kirke og likedan ut av Den norske kirke», skreiv han på eiga Facebook-side.
LES MEIR Melder seg ut
Beklagar
Biskop Erling J. Pettersen i Stavanger bispedømme var Dag Øivind Østerengs biskop. Til Vårt Land sa biskopen at han ikkje var overraska.
– Men eg beklagar sterkt at han går ut Den norske kyrkja.
Snart
Østereng ser for seg at han blir katolikk i løpet av hausten eller komande vinter.