Barneminister Solveig Horne (Frp) vil styrkje familievernet med fem millionar kroner. Pengane skal gå til at fleire barn kan få tilbod om samtale når foreldra går frå kvarandre.
- Det førebyggande arbeidet til familievernet er avgjerande for å gi familiane trygge rammer. Vi må gi familievernet ei større moglegheit til å snakke med barn som opplever samlivsbrot. Fleire barn skal få tilbod om samtale slik at dei blir høyrt, seier Horne.
LES ALT OM STATSBUDSJETTET HER
Første barn
Horne føreslår også å auke løyvinga til hjelpeprogrammet Nurse Family Partnership med sju millionar kroner. Målet er å gi ekstra støtte til unge foreldre som får sitt første barn. Programmet legg vekt på å følgje opp familiar som treng ekstra støtte over tid.
Meir i eingongsstønad
På familiefronten ønskjer Horne også å prisomrekne eingongsstønaden ved fødsel og adopsjon frå 44.190 kroner til 45.295 kroner per barn. Dermed er eingangsstønaden auka med vel 10.000 kroner sidan 2013, opplyser statsråden.
LES OGSÅ: Aukar adopsjonsstøtta