Pyramiden som vart bygt for meir enn 4.000 år sidan, vart funnen sør for Kairo, ifølgje dei egyptiske arkeologi-styresmaktene.
Zahi Hawass seier at pyramiden som berre fundamentet er att av, skal vere bygt av Menkauhor, ein obskur farao som styrte riket berre i kring åtte år.
I 1842 nemnde den tyske arkeologen Karl Richard Lepsius Menkauhors pyramide mellom funna sine i Saqqara, han kalla den «den hovudlause pyramiden» fordi toppen mangla.
Men ørkensanden dekte til funnet hans, og seinare har ingen arkeolog vore i stand til å finne denne pyramiden.
Men no er den funnen, melder telegrambyrået Associated Press (AP), melder CNN .
I Saqqara er det ei mengd graver frå tida i Memphis, hovudstaden i det gamle Egypt, sør for Kairo.
Saqqara ligg litt lengre sør for den noverande egyptiske hovudstaden enn Giza der dei aller mest kjende pyramidane står.